طيب الشاب بالنهاية انسان عنده مشاعر واحاسيس وكل واحد منا عندة فترة بيضعف فيها وما بيعرف يعبر فيها الا بالدموع وخاصة اذا كانت دموع الحب... الدموع مش عيب ولا حرام ومش عيب ولا حرام انو الشاب او الرجل يبكي بالعكس هذا بيعطيك شعور بالراحة وبانه على الاقل ازاح حمل من على ظهره وبعدين كتم الشعور بالحزن ممكن يأثر على الانسان بشكل سلبي سواء كان انثى او ذكر شاب او فتاة رجل او امرأة الدموع لم تخلق فقط للنساء وانما هي تعبير عن الشعور بالحزن وانا لا اقرف من الشاب اللي بيبكي بالعكس انا بقدر شعوره لانو ممكن في لحظة من اللحظات ينكسر وما يقدر يقاوم بس الغلط هو انو ينكسر وضل مكسور ما يصلح حاله هذا هو المقرف !!!! او هذا هو الغلط بحد ذاته...
تقدر تسيطر على دموعك أو انها اقوى منك ؟؟؟
انا دموعي اقوى مني بكثير ولا عمري سيطرت على دموعي وخاصة اني انسانه عاطفية جدا واي شي واي موقف ممكن يبكيني
متى تنزل دمعتك ؟ ومارأيكم في الشاب الذي تنزل دمعته ؟؟؟؟
انا ممكن تنزل دمعتي بمواقف كثير لانو ما بقدر اسيطر عليها بس اكثر شي لما بفقد انسان غالي علي او بصل لمرحلة ما بقدر اكلم فيها انسان بيعني الى الكثير...!!!
اما الشاب اللي بتنزل دمعته انا بحترمه جدا وبقدر دموعه بس من جهة تانيه لازم انو يقاوم ويكون قد حاله ومو اي شي يكسره هذا اللي بيميز المرأة عن الرجل انو المرأة ضعيفة الجانب وعاطفية اكثر من الرجل على كل الدمعه هي تعبير عن الشعور لا هي حرام لا هي عيب ويحق للجميع البكاء بالنهاية البكاء بساعد كثير في تخفيف الزعل والحزن وبضفي شعور افضل ( اسألوني انا هههههههههه
)
هل صحيح هناك ناس تلجأ لأستخدام دموع التماسيح ؟ وماهي كلمتك تجاههم ؟؟؟؟
هناك الكثير من الناس اللي بتلجأ لاستخدام دموع التماسيح وللاسف قابلت بحياتي كثير من هالنوع بس بحياتي ما شفت احقر من هالانسان اللي بيبكي دموع التماسيح من شان يكسب عطف الناس و انا كثير بحتقر الانسان اللي بيستعمل هالطريقة لانها بتنبع من عدم انسانيه وعدم شعور بالضمير او بالاخر وبالنهاية بحب احكي للجميع انو الدموع هي اثمن كنوز المرء وما لازم تنزل على اشياء تافهه وعلى ناس ما بتستحقها بس الانسان ضعيف بغض النظر عن جباروته او قوته بضل القلب بيلعب دور كثير كبير..
وبالنهاية انا كثير طولت عليكم بس حابة انو اهني الجميع بمناسبة حلول شهر البركة والخير شهر رمضان الكريم وبقولكم مبروك الشهر الفضيل وينعاد عليكم بالخير والبركة
وكــــــــــــــــــــل عـــــــــــــــــــام وانــــــــــــــــــــــــــــــــــتم بخــــــــــــــــــــــــــــــــير ....!!
موضوع: شاركونا بآرائكم...!!! 
الأحد أغسطس 24, 2008 6:54 pm
